Ақмола облысында баланы трактор қағып кетті

Ақмола облысының Зеренді ауылында мектепке бара жатқан баланы трактор қағып кетті. Абырой болғанда бала аман қалды. Ең сорақысы трактор тізгіндеген жүргізуші баланы дәрігерге көрсетпей, қоя берген. Әлеуметтік желідегі бұл видео учаскелік инспекторлардың қолына түскен соң ғана жол-көлік оқиғасы ретінде тіркеуге алынды. Трактор жүргізушісі әкімшілік құқықбұзушылықтар кодексінің бірнеше бабы бойынша жауапкершілікке тартылды. Сот-медициналық сараптама белгіленді. Оған сай жүргізушіге қосымша шара қолданылуы мүмкін. 

Бибінұр Әмірханқызы