Ғалым: Қазақ тілі ғылым тіліне айналуы керек

Қазақ тілі ғылым тіліне айналуы керек. Осылай деген бір топ ғалым бүгін мемлекеттік тіл төңірегіндегі мәселелерді талқылады. Сарапшылар қазақ тілінің басымдығын сақтай отырып, маман иелерінің әлем тілдерін меңгеру тетіктерін сөз етті. Шара аясында жастардың тілдік мәдениетін дамыту, олардың зияткерлік әлеуетін арттыру және көптілді ортада бәсекеге қабілетті маман ретінде қалыптасуына жағдай жасау түйткілдері де қаралды. Жиынға академиктер, тіл саласының білгірлері мен ғалымдар қатысты. Дөңгелек үстелді Абай атындағы Қазақ ұлттық педагогикалық университеті мен «Халықаралық «Қазақ тілі» қоғамы» қоғамдық бірлестігі ұйымдастырған.

Фаузия Оразбаева, педагогика ғылымдарының докторы:

Сол арқылы ғана біз өзіміздің тілімізді де, ғылымымызды да, жерімізді, жалпы, мемлекеттік мерейімізді сақтай аламыз. Ал ол үшін мемлекеттік тіл барлық деңгейде үлкен әлеуметтік қызмет атқаруы керек.

Қуан Нұрақын