«Қазгидромет» дауылды ескерту жариялады

«Қазгидромет» осы аптада барлық өңірде ауа райы күрт өзгеретінін болжады. Батыс, Шығыс, Солтүстік, Орталық өңірлерде, сондай-ақ Астана мен Қызылордада ауа температурасы үсікке дейін төмендейді.

Кей жерлерде жауын-шашын мен қар жаууы ықтимал. Ал оңтүстік өңірлерде найзағай, шаңды дауыл күтіледі. Алматы облысының батысында өрт қауіпі бар.

«Қазгидромет» гидрологиялық бекеттердегі судың деңгейін де жариялады. Солтүстік Қазақстан облысының Покровка, Новоникольское, Долматов гидрологиялық бекеттерінде су көбейгені тіркелген. Шығыс Қазақстан облысының Аблайкит бекетінде су қауіпті деңгейден асты.

Ақниет Балтанова