Ақмола облысында «Қайырымдылық керуені» шарасы басталды

Қазақстан халқы бірлігі күніне орай Ақмола облысындағы Қазақстан халқы Ассамблеясы жанындағы «Жомарт жан» орталығы «Қайырымдылық керуені» акциясын ұйымдастырды.

Акция аясында «Шанс» кәмелетке толмағандарды әлеуметтік-психологиялық, құқықтық қолдау орталығы мекемесіне көмек көрсетілді. 2017 жылы ашылған орталықта қазір 7 ана мен 27 бала тұрып жатыр. Осы жолы қайырымдылық жасауға өзбек және армян этномәдени орталықтары мен Ассамблея жанындағы аналар кеңесі мұрындық болды.

Тожибуви, Ақмола облыстық ҚХА жанындағы «Жомарт жан» орталығының төрағасы:

«Жомарт жан» орталығы  өте жақсы жоба деп айтсам болады. Неге десеңіз, орталықта этнос өкілдері жиналып, үйлерге де барып жатырмыз, қайырымдылығымызды көрсетіп, жастарымызға үлгі болып келеміз.

Бибінұр Әмірханқызы