Биыл 217 мыңнан астам оқушы мектеп бітіреді

Биыл соңғы қоңырау өтетін күн өзгерді. Яғни әдеттегідей  25 мамырда емес, 24 не 23-іне белгіленуі мүмкін. Оны мектеп әкімшілігі шешеді. Өйткені 25 мамыр күнтізбеде жексенбіге түсіп тұр дейді Оқу-ағарту министрлігі. Сондай-ақ 23 мамырда еліміздің барлық мектептерінде «Білімім – Отанымa» атты бірыңғай сынып сағаты өтеді.

Айта кетейік, биыл шамамен 3 млн 900 мың бала оқу жылын тәмамдайды, оның 217 мыңнан астамы мектеп бітіреді. Министрлік ата-аналар мен оқушыларды аста-төк той мен автокөлік шерулерінен бас тартуға шақырды.

Ақниет Балтанова