Алматы облысында жарамсыз қоғамдық көліктер сатылымға шығарылды

Алматыда жарамсыз қоғамдық көліктер сатылымға шығарылды. Техникаларға жауапты «Алматыэлектротранс» мекемесі 573 дана қоғамдық көлік құралын бастапқы бағасы 90 миллион теңгеге аукционға қойған. Лот электрондық сауда сайтында 15 сәуірде жарияланған. Сауда бүгін өтуі тиіс еді. Алайда екі адам қызығушылық танытқанымен техникалық жағдайға байланысты аукцион өтпеді, дейді мекеме өкілі.

Нұрболат Мұсаев, «Алматыэлектротранс» ЖШС директорының орынбасары:

Бұлар ескі автобустар мен троллейбустар. Олар белгіленген тәртіппен пайдаланудан шығарылып, есептен шығарылған. Бұл көлік құралдары одан ары пайдалануға жарамсыз. Металл сынықтары болып саналады. Сол себепті олар осы күйде аукционға қойылған. Сату заңы бойынша жүргізіліп жатыр. Сатып алушы табылмайынша лоттар қайта аукционға шығарылып отырады.

Қуан Нұрақын