Ғалымдар асыл тұқымды жылқы түрін көбейтпек

Қытай ғалымдары біздің мамандармен бірлесе отырып, асыл тұқымды жылқының түрін көбейтпек. «Қазақ жылқысының санын көбейтіп, оны әлемге дәріптеу мақсатында Семейде тұңғыш рет I Халықаралық жылқы шаруашылығы конгресі өтті. Жиынға Қазақстан мен Қытай ғалымдары, сондай-ақ елімізде жылқы шаруашылығын дамытып жүрген мамандар қатысты. Бұған дейін Пезидент аграрлық ғылымды жаңғыртып, асыл тұқымды базаны дамытуды тапсырған болатын. Қазір елімізде асыл тұқымды жылқының 5 түрі бар. Ал Қытайда селекциядан өткен жануардың 29 түрі тіркелген. Бірақ шетелдік мамандар еркін жайылымда жүретін қазақ жылқысын жоғары бағалап отыр.

Думан Орынбеков, Шәкәрім университетінің ректоры:

Бастамалар бар. Ол ең біріншісі Шәкәрім университетінің базасында бірлескен ғылыми-инновациялық орталық құру, жылқы шаруашылығын зерттеулермен айналысатын. Мемлекеттік деңгейдегі жылқы шаруашылығын дамыту бойынша бағдарлама әзірлеу.

Ержан Жақып