Шығыс Қазақстанда батырлар аллеясы ашылды

Отан қорғаушы күні мен Ұлы Жеңістің 80 жылдығына арналған мерекелік шаралар шығыста да кең көлемде ұйымдастырылды. Өскемендегі орталық алаңға жиналған жұрт Астанада өткен әскери парадты тамашалады. Одан соң, жалпы халық облыс басшыларымен бірге Кеңес Одағының батыры Халық қаһарманы Сағадат Нұрмағанбетовтың ескерткішіне гүл қойып, тағзым етіп, өнер ұжымы жиналған халыққа концерт қойды. Ұлан ауданының орталығында батырлар аллеясы ашылды. Ал аллеяға осы ауданнан майданға аттанып, Кеңес Одағының батыры атағын алған 9 адамның кеуде мүсіні қатар орнатылды.

Айташ Бәкімбаев, Ұлан ауданы ардагерлер кеңесінің төрағасы

Тоғыз батыр, бір халық қаһарманы бір ауданнан шығу әр ауданның бағына берген бақыт емес. Біз соған мақтанамыз. Енді бұл аллеяның жас ұрпаққа, келер ұрпаққа пайдасы өте зор деп ойлаймын. Осыған қарап бой түзейді, ой түзейді. Осыған қарап жастар тәрибе алады.

Олжас Керейхан