Петропавл жастары жауынгерлер рухына тағзым етті

Петропавл тұрғындары соғыс жылдары госпитальда қайтыс болған жауынгерлерге арналған ескерткішке гүл шоқтарын қойды.

Соғыс жылдары теріскейде бес эвакуациялық госпиталь болған. Оның үшеуі облыс орталығында жұмыс істеген. Тарихи деректерге сүйенсек, 400-ден астам жауынгер ауыр жарақаттан қайтыс болған. Жеңіс күні қарсаңында ескерткіш маңы қалыпқа келтірілген. Бүгін зиялы қауым өкілдері, «Amanat» партиясының белсенділері, студенттер аталған медициналық нысандарда қаза тапқан жауынгерлердің рухына тағзым етті.

Александр Зель, «Amanat» партиясы «Болашақ» филиалының атқарушы хатшысы:

200-ден астам адам госпиталь жанындағы зиратта жерленген. Сәуір айында барлық ескерткіштер қалыпқа келтіріліп, жөнделді. Бізге бейбіт өмірді тарту еткен жауынгерлерге қарыздармыз.

Эльмира Кәленова