Алматыда Амангелді Сейітхан атындағы турнир өтті

Алматыда белгілі журналист, спорт комментаторы Амангелді Сейітхан атындағы шағын футболдан республикалық турнир өтті.

Шараның ашылуына Амангелді Сейітханның әріптестері, шәкірттері мен ұстаздары қатысып, жылы естеліктермен бөлісті. Байрақты бәсекеге еліміздің әр түкпірінен келген БАҚ өкілдерінен құралған 14 команда қатысты. Доп додасында кәсіби журналистің өзі құрған құрама да бар. Жыл сайын дәстүрлі түрде өткізілетін шараға алдағы уақытта Қырғызстан, Өзбекстан, Түркия елдерінен де БАҚ өкілдері қатысып, іргелі турнирге айналдырамыз, дейді ұйымдастырушылар.

Ерасыл Сейітханов, А.Сейітханның ұлы:

Әкемізге құрмет, абырой деп ойлаймын. Осымен тоқтап қалмай, халықаралық деңгейге шығады деген ниетім бар.

Айдана Қуантхан