«Ұлы дала жорығының» үшінші кезеңі аяқталды

Бүгін халықаралық «Ұлы дала жорығы» марафон-бәйгесінің үшінші кезеңі аяқталды. Қорытындысы бойынша ұпай санымен Маңғыстау облысының құрамасы көш бастап тұр. Екінші орында Ұлытау облысының құрамасы келе жатса, Қырғызстанның командасы - үздік үштікте. Осылайша, сәйгүліктер 300 шақырымды бағындырды. Алда әлі 200 шақырым бар. Тұлпарлар бұл қашықтықты 2 күнде жүріп өтеді деп жоспарланған. Ал 19 команданың 10-ы дүбірлі додадан шығып қалды. Бүгін үшінші кезеңнің мәре сызығын бірінші болып Астана командасы кесіп өтті. Жарыс Балқаш, Жамбыл және Іле аудандарының аумағы арқылы өтіп, Қонаев қаласында аяқталады.

Алтай Бимен, Астана командасының жетекшісі:

Дөңнің арасы, жел жоқ. Жел шамалы ғана алдыдан соқты. Бүгін біз жылдамдықты көтерсек деген шешімге келдік. Ойдағыдай келе жатырмыз. Бүгіннен бастап өзіміздің жоспарымыз бар. Сол жоспармен келе жатырмыз.

Қуан Нұрақын