«Ұлы дала жорығы»: 7 команда қалды

Алматы облысында өтіп жатқан халықаралық «Ұлы дала жорығы» марафон-бәйгесінің бүгін төртінші кезеңі. 19 команданың 12-сі жарыстан шығып қалды. 7 құрама сайысты жалғастыруда. Атап айтсақ, Маңғыстау, Ұлытау, Алматы, Шығыс Қазақстан және Атырау облыстары мен Астана қаласының тұлпарлары сүрінбей келеді. Сонымен қатар Қырғызстанның 2 командасы да түске дейін 350 шақырымды бағындырды. Бүгін тағы 50 километр жүріп өтуі тиіс. Дүбірлі дода ертең аяқталады.

Асланбек Шонаев, шабандоз /Қырғыз Республикасы/

Аттардың жағдайы жақсы. Бүгін жеңіл өттік. Жол құмдақ, жақсы. Тас жоқ. Өзіміздің позициямен келе жатырмыз. Демеушілерге шоң рахмат айтамын. Жалпы Қазақстанға. Бәрін ұйыстырып. Тамағы, барлығы. Суы. Қысқасы, сөз жоқ.

Қуан Нұрақын