Жайлы мектепте білім алу баршаға қолжетімді

Мектеп әр балаға мейірім сыйлап, қолайлы орта қалыптастыру керек. Осындай ұстанымды негіз еткен елордадағы 103 орта білім беру ұйымы «Жайлы мектеп» ұлттық жобасымен салынған. 2 мыңға жуық оқушы тек оқу бағдарламасымен шектеліп қалмай, тіл клубына, салауатты тамақтану жобасына және робототехника үйірмесіне қатысады. Ал былтыр білім ордасына қабылданған оқушылардың 50 пайызы, яғни 825 бала көпбалалы отбасыдан шыққан.

Жанат Айтова, мектеп директоры:

Жайлы мектептің айырмашылығы - бұл әрбір балаға білім сапасының қолжетімділігін қамтамасыз етуіміз керек. Мына әлеуметтік жағынан тепе-теңдік. Мысалға, инклюзия жағынан алғанда мектебімізде мүмкіндігі шектеулі 38 бала бар. Оларға бүкіл жағдай жасап отырмыз. Жанында көмекші, педагог-ассистент бар. Әрбір баланың жүрегінен орын алуымыз керек.

Темірлан Нұрсолтан