Экстремизмге қатысы бар шетел азаматтарының Қазақстанға кіруіне жол берілмеді

Қазақстанда лаңкестік пен экстремизм бойынша 43 адам сотталып, 34-і тергеліп жатыр. Бұл туралы Президент қабылдауында болған Ұлттық қауіпсіздік комитетінің төрағасы Ермек Сағымбаев айтты. Оның сөзінше, экстремизмге қатысы бар 212 шетел азаматының елге кіруіне жол берілмеді. 13 қылмыстық топ ұсталған. Есірткі өндіретін 12 зертхана мен 25 тасымал арнасы жойылды. Сыбайлас жемқорлыққа қатысты 15 лауазымды тұлға ұсталды. Бюджетке 220 млрд теңге қайтарылған. Президент ұлттық қауіпсіздік органдары қызметінің бағыттары бойынша бірқатар тапсырма берді.

Шерхан Жамбылұлы