Барлық мектепте «Білімім – отанымa» атты бірыңғай сынып сағаты өтті

Оқу жылының соңғы күнінде еліміздегі барлық мектепте «Білімім – Отанымa» атты бірыңғай сынып сағаты өтті. Бұл – мұғалім еңбегіне құрмет пен оқушылардың білімге деген ынтасын көрсететін дәстүрлі шара. Елордадағы №104 «Келешек мектебінде» министр Ғани Бейсембаев түлектермен кездесіп, ашық сабақ өткізді. Ол жастарды адалдыққа, еңбекқорлыққа және азаматтық жауапкершілікке үндеді. Биыл елімізде 217 мыңнан астам оқушы мектеп бітіріп жатыр. Оның 5 пайызы «Алтын белгіден» үмітті. Министр түлектерге сәттілік тілеп, кеңесін айтты.

Ғани Бейсембаев, ҚР Оқу-ағарту министрі:

Ешқашан сенімдеріңізді жоғалтпаңыздар. Екінші, ол табандылық. Бұл барлық мақсат, арман, мұраттарыңызға жету үшін табандылықтың қажеті сөзсіз. Және еңбекқорлық пен адалдықты серік ету керек.

Шерхан Жамбылұлы