Ақтөбе облысында 14 «Жайлы мектеп» қолданысқа беріледі

Ақтөбе облысында «Жайлы мектеп» жобасы аясында 11 400 балаға арналған 14 білім ошағын салу көзделген. Қазірдің өзінде екеуінің құрылысы аяқталып, қолданысқа берілді.

Оның бірі «Есет батыр» ауданында орналасқан. 2000 орынға шақталған білім ордасы заманауи құрал-жабдықтармен қамтылып, түрлі жастағы оқушыларға бейімделген. Мұнда 55 оқу кабинеті бар. Оқу блоктары ғылым, технология, инженерия және математика пәндерін тереңдетіп оқытуға мүмкіндік береді. Облыста 9 100 орындық тағы 12 мектептің құрылысы жүріп жатыр.

Жақсыбек Кемал