Талдықорғандық жастар «Вандализмге жол жоқ» акциясын өткізді

Талдықорғандық жастар «Вандализмге жол жоқ» акциясын өткізді. «Жастар рухы» мен «Жетісу жастары» бірлесіп, Үш бәйтерек, Қаблиса жырау, Ескелді, Балпық би ескерткіштерінің маңын күл-қоқыстан арылтты. Негізгі мақсат – тарихи-мәдени маңызы зор ұлттық қазынаны қорғау. Сондықтан белсенділер вандализмнің алдын алу үшін ай сайын бас қосып, қоғамдық мүлікке ұқыппен қарауды көздейді.

Еркебұлан Жақан, «Талдықорған жастары» ұйымының жетекшісі:

Бұл негізі айына бір рет жоспарлы түрде жасалып тұрады. Біздің қаламыздағы ескерткіштердің жағдайы басым бөлігі жақсы. Бірақ енді кейбіреулері болады, қағаз қоқыс шашылып жатады. Соны жинап, шама келгенше мрамор бетондарды жуып тазартып деген сияқты.

Дамир Нұрмұхамет