Несие кешірудің жаңа механизмі іске қосылады

Елімізде несие кешірудің жаңа механизмі іске қосылады. Бүгін Сенатта тиісті заңнамаға енгізілген түзетулер қаралды. Бүгінде қолданыстағы норма бойынша мұндай несиелер тек сот шешімімен ғана есептен шығарылады. Қаржы нарығын реттеу және дамыту агенттігі төрағасының орынбасары Олжас Қизатовтың айтуынша, алаяқтық жолмен алынған қарыздарды сотқа дейін есептен шығарудың жаңа тетігі енгізіліп жатыр. Енді банктер немесе микроқаржы ұйымдары мұндай несиені сотқа дейін есептен шығаруға, яғни кешіру міндеттеледі. Сондай-ақ микроқаржы ұйымдары кімдерге қарыз бермеуі керек екендігін Олжас Қизатов айтып берді.

Олжас Қизатов, ҚР Қаржы нарығын реттеу және дамыту агенттігі төрағасының орынбасары:

Егер жеке тұлғаның басқа банк немесе микрокаржы ұйымы алдында 90 күннен асқан мерзімі өткен берешегі болса, ол қарызын өтемейінше, оған жаңа несие берілмейді. Яғни микроқаржы ұйымдары ол азаматқа несие беруіне заң бойынша құқы жоқ.

Азамат Бейбітұлы