Семейде «Құрылыс өнері» халықаралық фестивалі аяқталады

Семей қаласында өтіп жатқан «Құрылыс өнері» халықаралық фестивалі аяқталады. 3 күнге созылған шараға Ресей, Германия және Қазақстанның жетекші оқу орындарынан 200-ге жуық ұстаз қатысқан. Фестиваль қатысушылары кірпіш қалау, еден төсеу және сырлау жұмыстары бойынша сынға түсті. Құрылыс саласындағы тың әдістер, түрлі заманауи материал да таныстырылды. Мамандар бір-бірімен тәжірибе алмасты. Сайыс тәуелсіз сарапшылар тарапынан бағаланып, жеңімпаздар анықталды. Жастарды жұмысшы мамандықтарға қызықтыру мақсатында фестивальді жыл сайын өткізу жоспарланған.

Мейрамгүл Ауқышева, облыстық инновациялық-әдістемелік орталықтың әдіскері:

Қатысушылардың барлығы білікті маман. Әрқайсысы шеберлігін көрсетті. Жұмысшы мамандықтар жылында ұйымдастырылған фестиваль өте маңызды. Көп тәжірибе алмастық. Қазір құрылыс саласы өте қарқынды дамып келе жатыр. Замануи құралдар мен жұмыстың әдіс-тәсілдері де өзгеруде. Сала мамандарына сұраныс та өте жоғары. Байқауға қатысып, шеберлігін көрсеткен қатысушылардың үздіктерін марапаттадық.

Ержан Жақып