Алматыда алғаш рет нейромодуляция тәсілімен ота жасады

Отандық дәрігерлер алғаш рет балаларға нейромодуляция тәсілімен ота жасады. Алматы балаларға шұғыл медициналық көмек көрсету орталығының базасында урологтар мен нейрохирургтар бірігіп, екі баланың қуығына тың тәсілмен ем қолданды. Науқастардың бірі бұған дейін іріңді парапроктитпен ауырған. Екінші жағдай – жұлын жарығы бар бала. Екі ота да сәтті өтті. Бұл жолы Беларусь елінен келген маман тәжірибесі алмасты. Бұдан былай қазақстандық дәрігерлер бұл тәсілді өз беттерінше қолдана береді. Мамандардың айтуынша, бұл – балалар нейрохирургиясы мен урологиясы саласындағы нағыз серпіліс.

Рахым Ахан, балаларға шұғыл медициналық жәрдем орталығының нейрохирургия бөлімшесінің меңгерушісі:

Бұл ересектерге жасалынған операцияның түрі. Ал балаларға енді енгізіліп жатыр. Бұл балалардың жамбас мүшелерінің бұзылысы кезінде зәрін ұстамау, үлкен дәретін ұстамау кезде жасалатын ота түрі болып есептеледі. Бұл бағыт бойынша қазақстандық нейрохирургтер жұмыс істеп жатыр. Енді енгізіліп жатқан отаның түрі.

Айдана Қуантхан