Елімізде халық саны 69,8 мың адамға өскен

Қазақстан халқының саны 20 миллион 353 мың 265 адамға жетті. Ұлттық статистика бюросының мәліметінше, 1 мамырдағы жағдай бойынша елімізде халық саны 69,8 мың адамға өскен. Оның ішінде табиғи өсім есебінен – 63 мыңнан аса адамға, көші-қон есебінен – 6 жарым мыңға жуық адамға артқан.

Халық санының ең жоғары өсу қарқыны елордада байқалды. Астана халқының саны көші-қонның ықпалымен артып келеді. Мәселен, елорда тұрғындарының саны жыл басынан бері шамамен 30 мың адамға өсті, оның 78 пайыздан астамы көші-қон есебінен екен.

Азамат Бейбітұлы