«Жасыл ел» еңбек жасақтарының кезекті маусымы ашылды

Алматыда «Жасыл ел» жобасының кезекті еңбек маусымының ашылу салтанаты өтіп жатыр. Экологиялық жобаларды жүзеге асыру үшін қала жастарының дайындығы қалай?

Айдана Қуантхан, тілші:

Дәл қазір алаңға мыңнан аса адам жиналды. Қала жастарын уақытша жұмыспен қамтитын жобаға биыл 5 мыңнан аса өтініш келіп түскен. Соның ішінде 16 мен 35 жас аралығында 2 мыңнан аса адам іріктеліп алыныпты. Енді олар тамыздың соңына дейін қала аумағындағы саябақтарға тазалау жұмыстарын жүргізеді.

Әзиз Қажденбек, қалалық Жастар саясаты басқарма басшысы:

Биыл «Медеу», «Көкжайлау», Үлкен Алматы көлі аумағын тазартамыз. Қаланың түрлі ауданында салынған арықтарды тексереміз. Сол жаққа абаттандыру жұмыстарын жүргіземіз. Заңсыз ағаш кесу фактілерін анықтаймыз.

 Айдана Қуантхан, тілші:

«Жасыл ел» жобасы аясында бұған дейін 50-ге жуық экологиялық акция өтті. Сондай-ақ Есентай, Тіксай, Кіші Алматы өзендерінде абаттандыру жұмыстары жүргізіліп, 100 тонна қоқыс шығарылды. Жыл сайын жүзеге асатын бұл жоба өскелең ұрпақты қоршаған ортаны қорғай отырып, еңбекке араластырып, табиғатты күтіп баптауға баулиды. 

Айдана Қуантхан