Автобус апаты: 8 жасар қызға қаржылай көмек көрсетіліп жатыр

Астанадағы автобус апатынан зардап шеккен 8 жасар қызға жан-жақты көмек көрсетіліп жатыр. Қала әкімдігінің мәліметінше, жуырда сақтандыру есебінен 20 миллион теңге төленбек. Сондай-ақ, автобус паркі тағы 10 миллион теңге беретінін айтты. Қазір құжаттар рәсімделіп жатыр.

Еске салсақ, дүйсенбі күні кешкісін автобус жол бойындағы бағанға соғылды. Жедел медициналық жәрдем бригадалары қала стационарларына барлығы 15 адамды жеткізді. Аса ауыр халде жеткізілген 8 жасар Алуа Бекеннің аяғына ампутация жасалды. Жеткіншектің анасы Махаббат Төлеубекова 5 баланы жалғыз тәрбиелеп отыр. Еріктілер оған қаржылай көмек қажет екені айтып, экранда көрсетілген нөмірді таратты.

Жанел Өтеулі