Люксембург-Қазақстан кәсіпкерлері ортақ жобаларды жүзеге асырмақ

Люксембург Қазақстанмен барлық салада ынтымақты арттыруға ниетті. Ұлы Герцокте екі жақтың кәсіпкерлері бас қосты. Шараны еліміздің осы мемлекеттегі Елшілігі мен Люксембург Сауда-өнеркәсіп палатасы ұйымдастырды. Қазақстандық делегация өкілдері шетелдік инвесторларды тарту және қолдау бойынша елде атқарылып жатқан шараларды баяндады.

Люксембург кәіпкерлері «Астана қаржы» орталығы мен IT стартаптар технологиялық паркінің жұмысына белсене қатысуға ниетті. Ал Қазақстан үшін Люксембургтың қаржы саласындағы, спутник пен ғарышты дамыту тәжірибесін игеру маңызды.

Владимир Никелс, «Artec 3D» компаниясының аймақтық директоры:

2023 жылы сауда миссиясымен бірге Қазақстанға сапарладым. Қазір біз сәулет, денсаулық сақтау, инжиниринг салаларында және 3 D технология, 3 D бағдарламалық қамтамасыз ету бойынша бірнеше жобаны қарастырып жатырмыз.

Нұрсұлу Қасым