Дүниежүзілік туу көрсеткіші күрт төмендеп барады

Әлемде демографиялық дағдарыс. Біріккен Ұлттар Ұйымы осылай деп дабыл қақты. Бұл жаһандық үрдіс жоғары табысты елдерге де, дамушы мемлекеттерге де ортақ мәселеге айналды. Туу көрсеткішінің төмендеуіне басты себеп ретінде: халықтың 39 пайызы қаржылық қиындықтар деп көрсеткен.

Адамдар үшін баланы өсіріп-жетілдіру аса қымбатқа түсуде. Сонымен қатар уақыт тапшылығы мен жар таңдау мәселесі де маңызды фактор ретінде атап өтілген. Ал денсаулыққа байланысты себептер 12 пайыз респондент үшін ғана басты кедергі болған.

Өкінішке қарай, Қазақстанда да бұл үрдіс байқалуда. Биылғы жылдың алғашқы тоқсанының қорытындысы бойынша, елдегі туу көрсеткіші соңғы 11 жыл ішіндегі ең төменгі деңгейге түсті.

Азамат Бейбітұлы