Астанада 5 айда 29 бала терезеден құлады

Жыл басынан бері Астанада 29 бала терезеден құлаған. Оның 8-і қаза тапты. Қалғаны ауруханаға жатқызылған. Одан бөлек 8 бала суға кеткен. Дені ересектердің қарауынсыз қалған. Рұқсат етілмеген жерлерде суға түскен. Бұл қалалық прокуратураның мәліметі. Құзырлы орган балалардың қауіпсіздігін бақылауды күшейтеді. Полициямен бірге жағалау маңын тексеріп, тыйым салынған аумақта шомылған тұрғындарға айыппұл сала бастады.

Маратбек Мырзамұрат, Алматы ауданының прокуроры:

Біз жалпы тиісті жерде шомылмағаны бойынша 12 ата-ананы әкімшілік жауапкершілікке тарттық. Ол 12 айлық есептік көрсеткішті құрайды. Жалпы Астана бойынша рұқсат етілген бес қана аймақ бекітілген. Басқа жерде балаларға  шомылуға болмайды. 

Жанел Өтеулі