Қазақстан Қытайға 1,5 мың бас киік береді

Мемлекет басшысының шешімімен Қазақстан Қытайға 1,5 мың бас киік береді. Осыған байланысты Қытай тарапымен жануарларды беру механизмі пысықталмақ. Бүгінде Қазақстандағы киік саны 3 млн 900 мың. Бұл көрсеткіш 1974 жылғы тарихи максимумнан асып түсті. Яғни, олардың саны 3 есе артқан. Сондай-ақ киелі жануардың әлемдік популяциясының 99%-ы қазақ даласын мекендейді.

Асқар Әбдірахманов, ҚР ЭТРМ Орман шаруашылығы және жануарлар дүниесі комитетінің басқарма басшысы:

Бұрын бұл Қытайдың Батыс өңірі киіктің тарихи мекен ортасы болған. Алайда адамдар мен даланы қарқынды игеру барысында киіктер жоғалып кеткен болатын. Сондықтан Қытай тарапымен киіктерді беру мәселесі пысықталады.

Ақниет Балтанова