Алматыдағы «Арыстан» базары бұзылып жатыр

Алматыдағы үлкен сауда орындарының бірі «Арыстан» базары бұзылып жатыр. Бұл туралы қала әкімдігі хабарлады. Себебі нысанның 2200 шаршы метрі рұқсат құжатынсыз тұрғызылған. Яғни 20-ға жуық саудагер жер телімін заңсыз иемденіп, сауда нысанының бастапқы жобасын бұзып, өз бетінше кеңейтіп алған. Тексеріс барысында тазалық талаптары мен қауіпсіздік нормалары сақталмағаны да анықталды.

Азамат Қожамұратов, қала құрылысын бақылау бөлімінің бас маманы:

Жоспардан тыс тексеру барысы аясында «Арыстан» базарының 2000 шаршы метрге жуық аймағы заңсыз болып табылды. Анықталған жайттарға байланысты әкімшілік-құқықбұзушылық шаралар қолданылды. Сүру жұмыстары шамамен бір аптаға жуық уақытты алады.

Айдана Қуантхан