7 жұмысшы қаза тапқан «Жомарт» кенішінде жұмыс қайта жанданды

7 жұмысшы қаза тапқан «Жомарт» кенішінде 4 айдан кейін өндірісті қайта бастауға рұқсат берілді. Бұл жайлы «Қазақмыс» корпорациясы хабарлады. Кәсіпорынның айтуынша, шешім қауіпсіздік деңгейі және қызметкерлердің дайындығы жан-жақты сараланған соң қабылданған. Алдағы уақытта қауіпсіздікке қатысты қандай да бір күмән туса, жұмысты дереу тоқтататынын атап өтті.

Еске сала кетсек, 17 ақпан күні «Қазақмыс» компаниясына тиесілі «Жомарт» кенішінде метан газы жарылып, жеті кенші қаза тапқан болатын.

Жандос Бақытұлы