Алматы облысында жарық қайта қосылды

Кешелі бері жарықсыз отырған Алматы облысы мен Алматының кей аудандарында электр энергиясы қалпына келтірілді. «Алатау Жарық Компаниясы» баспасөз қызметінің хабарлауынша, 19 маусым күні кешкі сағат бес шамасында жүйеге шамадан тыс жүктеме түсіп, ақау туындамауы үшін тұтынушылар уақытша электр желісінен ажыратылған. Апатқа Қазақстан бойынша ірі электр желілерін басқаратын «KEGOC» компаниясына тиесілі 500 кВ кернеулі желілердің істен шығуы себеп болған. Қазіргі кезде барлық ақау қалпына келтіріліп, жарық толық берілді.

Қуан Нұрақын