Алматы облысында қоқыс полигонынан шыққан өрт оқшауланды

Дәл осы Алматы облысының, Ұзынағаш ауылы маңындағы қатты тұрмыстық қалдықтар полигонында шыққан өрт толық оқшауланды. Оқиға орнында Төтенше жағдайлар департаменті мен жергілікті атқарушы органдардың мамандары жұмыс істеп жатыр. Бір гектардан аса аумақты шарпыған қызыл жалын ауаға тарап, жақын маңдағы ауылдарды түтін басқан. Қазіргі уақытта өрттің іргелес аумаққа және құрғақ шөпке таралу қаупі сейілген. Жағдай тұрақталды. Зардап шеккендер тіркелмеді. Өрттің шығу себептері анықталу үстінде, - деп хабарлады Төтенше жағдайлар департаменті.

Қуан Нұрақын