Павлодар облысында 5 амбулаторияның құрылысы қайта жанданды

Павлодар облысында 5 амбулаторияның құрылысы қайта жанданды. 228 млн теңге мемлекетке қайтарылған акивтер есебінен бөлінді. Мәселен, Ақсу қаласына қарасты Құркөл ауылындағы нысан былтыр қараша айында тапсырылуы тиіс еді. Бірақ жобалау сметалық құжаты бойынша бөлінген қаржы жетпей, жұмыс тоқтап қалды. Енді құрылыстың қайта жанданғанын естіген тұрғындар ашылуын тағатсыздана күтіп жүр.

Бибіжан Асарбекова, Құркөл ауылының тұрғыны:

Мысалы, менде ерекше бала бар. Анализ тапсыруға заманауи нысан болғаны жақсы деп ойлаймын.

Гүлзира Тойбекова, Құркөл ауылының тұрғыны:

Жедел жәрдем келгенше, оны шақырып алғанша уақыт кетеді, қазір мына күннің ыстығына байланысты адамдардың қан қысымы көтеріледі. Сондықтан  мұны ертерек тапсырған дұрыс болады. Өйткені көп кісі күтуде.

Болат Аманбаев