Сот жүйесіне сенім артып келеді: Арыз-шағымдар 18 пайызға артқан

Сотқа түскен арыз-шағымдар 18 пайызға артқан. Бұл туралы Президенттің қабылдауында болған Жоғарғы сот төрағасы Асламбек Мерғалиев баяндады. Мемлекет басшысының тапсырмасына сәйкес, Қылмыстық және Қылмыстық-процестік кодекстерге ревизия жасалды. Азаматтар мен кәсіпкерлердің құқықтарын күшейтуді, қылмыстық процесті оңтайландырып, бюрократиядан арылуды көздейтін жаңа заң жобасы әзірленді. Бұдан бөлек, Жоғарғы сот төрағасы Президентке сот жүйесін цифрландыру және кассациялық соттарды құру жұмыстары аяқталғаны жөнінде есеп берді. Кездесу соңында Қасым-Жомарт Тоқаев судьялар мен сот қызметкерлерін кәсіби мерекелерімен құттықтады.

Ақниет Балтанова