Мемлекет басшысы Қатар Әмірімен телефон арқылы сөйлесті

Мемлекет басшысы Қасым-Жомарт Тоқаев Қатар Мемлекетінің Әмірімен телефон арқылы сөйлесті. Қазіргідей қиын-қыстау жағдайда еліміз Қатар халқын қолдайтынын жеткізді. Президент Қатар Әмірі шейх Тәмим бен Хамад Әл Тәнидің саяси көрегенділігінің арқасында шиеленістің одан әрі ушықпағанын атап өтті. Мемлекеттер басшылары жоғары деңгейдегі байланыстарды жалғастыруға уағдаласып, Қатар Әмірінің алдағы уақытта елімізге жоспарланған сапарын талқылады.

Темірлан Нұрсолтан