Маңғыстау облысында елді мекендер 93% интернетпен қамтылған

Маңғыстауда ауылдық елді мекендер 93 пайыз жоғары жылдамдықты интернет желісімен қамтылған.

Тек Жарма, Сазды, Басқұдық және Аққұдық елді мекендерінде интернет жоқ, 2G байланысы ғана бар. Аталған ауылдарды кең жолақты интернетпен қамтамасыз ету үшін «Қолжетімді Интернет» Ұлттық жобасы аясында талшықты-оптикалық байланыс желілері жүргізілмек. Сонымен қатар аймақта республикалық маңызды автожолдарға 13 қондырғы қойылып, жоғары жылдамдықты интернетпен байланыс орнату көзделген.

Әйгерім Аталықова, облыстық Цифрлық технологиялар басқармасының бөлім басшысы:

Қазіргі уақытта 5 антенна діңгектің ЖСҚ-сы жасақталып, мемлекеттік сараптамадан оң қорытындысын алып отыр. Бұл Бейнеу ауданы және Мұнайлы ауданы. Республикалық автожолдардың бойында 13 антенна діңгекті құрылыс салынғаннан кейін, жоғары жылдамдықпен, байланыспен қамтамасыз етілетін болады.

Аягөз Оралбайқызы