Қарағанды облысының 7 ауданында 51 медициналық нысан салынуда

Қарағанды облысына қарасты 7 ауданда 51 медициналық нысан салынып жатыр. Құрылысқа заңсыз иемденген активтерді қайтару есебінен құрылған арнайы мемлекеттік қордан 6 миллиардқа жуық қаражат бөлінген. Бүгінде құрылыс қарқынды жүруде. Тіпті алғашқы 15 нысан алдағы күндері ел игілігіне берілмек. Дәрігерлік амбулатория, фельдшерлік-акушерлік және медициналық пункттер шұғыл медициналық көмек көрсету құралдары, дәрі-дәрмектер және бұрын болмаған жаңа физио қондырғылармен қамтылған.

Абылай Смағұлов, облыстық құрылыс, сәулет және қала құрылысы басқармасы басшысының орынбасары:

Құрылыстың аяқталу мерзімі жылдың аяғы болғандықтан кезең кезеңімен тапсырылатын болады. Осы маусымның аяғына дейін 15 нысан құрылысы аяқталмақ. Шілде, қыркүйек айларында бағдарламаны жүзеге асырды.

Жандос Бақытұлы