Спортқа бөлінген 17 млрд теңге тиімсіз жұмсалған

Спортқа бөлінген 17 миллиард теңге тиімсіз жұмсалған. Жоғары аудиторлық палата бүгін біраз былықтың бетін ашты. Үкімет осы уақытқа дейін спортты дамытуға арналған 4 мемлекеттік бағдарлама мен 1 кешенді жоспарға қаржы құйғанымен, оның көбі қағаз жүзінде қалған. Мәселен, 2020 жылғы тұжырымдамада белгіленген міндеттердің көбі орындалмай, 2029 жылға қалып отыр. Әуелде Олимпиада спортшыларының дайындығына қарастырылған қаржы да талан-таражға салынған. Айталық, кейінгі 4 жылда Спортты дамыту дирекциясының қызметкерлеріне тек сыйақы ретінде 3 жарым миллиард теңге берілген. Бұл бір ғана мысал. Тексеріс кезінде осындай 56 жағдай анықталған.

Жанел Өтеулі