Президент Қауіпсіздік кеңесінің отырысын өткізді

Заңсыз көші-қонды болдырмау бойынша бақылауды қамтамасыз ету керек. Қауіпсіздік кеңесінің отырысында Мемлекет басшысы жауаптыларға осындай тапсырма берді. Жиында ішкі және сыртқы көші-қон саласындағы негізгі үрдістер талқыланды. Қасым-Жомарт Тоқаев геосаяси факторлар мен сын-қатерлерді, демографиялық болжамдарды және халықтың көшу себептерін есепке алудың маңызына тоқталды. Сондай-ақ елдің адами капиталын арттыруды ынталандыру қажеттігін айтты. Отырыс қорытындысы бойынша Үкіметке бірқатар нақты тапсырма берілді. Мәселен, мемлекеттік органдардың функционалдық міндеттеріне сараптама жасау мен қайта қарау және көші-қон саласындағы барлық ақпараттық жүйені интеграциялау ісін күшейту міндеті жүктелді.

Шерхан Жамбылұлы