Президент Молдова Премьер-министрінің орынбасары әрі сыртқы істер министрі Михай Попшойды қабылдады

Президент Молдова Премьер-министрінің орынбасары әрі сыртқы істер министрі Михай Попшойды қабылдады. Қасым-Жомарт Тоқаев Қазақстанда Молдова елшілігінің ашылуы екі елдің өзара достық қарым-қатынас пен серіктестікті нығайтуға ұмтылысын көрсететін айтулы оқиға екенін айтты. Өз кезегінде Попшой қазақстандық дипломаттарды кәсіби мерекелерімен құттықтап, қазіргі күрделі халықаралық жағдайда дипломатияның маңызын ерекше атап өтті. Әңгімелесу барысында өзара мүддеге сай келетін түрлі салада экономикалық және инвестициялық ынтымақты кеңейту перспективасы қарастырылды. Кездесу соңында Мемлекет басшысы Молдова Президенті Майя Сандуға ыстық ықыласын жолдады.

Шерхан Жамбылұлы