Семейде ақсақал алаяқтық жасады деген күдікке ілінген

Семейде 76 жастағы қария алаяқтық жасады деген күдікке ілінген. Полицияға 68 жастағы зейнеткер әже хабарласқан. Анықталғандай, одан несие рәсімдеуге көмектесемін деп Қазбек есімді азамат 100 мың теңге алған. Сол күйі ұшты-күйлі жоғалған. Арыздан кейін тәртіп сақшылары алаяқтық жасаған адамды іздеп тапқан. Полицейлер оның 76 жастағы қария екендігін анықтады. Ата өзінің кінәсін толық мойындаған. Ал замандасынан алдап алған ақшаны қажетіне жаратып жібергенін айтқан. Енді ақсақалдың үстінен «алаяқтық» бабымен сотқа дейінгі тергеу жүргізіліп жатыр.

Ержан Жақып