Солтүстік Қазақстанда тұрғындар ерекше челлендж бастады

Солтүстік Қазақстан облысының тұрғындары қарағандылықтарға ерекше челлендж жолдады.

Басты мақсат – спирттік ішімдіктен бас тартқан ауылдар санын көбейту. Игі бастаманы Есіл ауданының тұрғындары қолға алып, Шал ақын ауданындағы Еңбек ауылы жалғастырды.

Оразбай Жанғарин, ауыл тұрғыны:

Арақ-шарапсыз өткізіледі, той болсын, қандай іс-шаралар болсын. Оған міне, жастарымыз әбден бейімделген. Елімізде осындай ауылдардың саны көбейген сайын үлкен жетістіктерге жетеміз деп ойлаймын.

Осылайша Солтүстік Қазақстан облысында ішімдіктен бас тартқан ауылдар саны 20-ға жуықтады. Еңбек ауылының тұрғындары челленджді Қарағанды облысына жолдады.

 Азамат Ишматов, учаскелік полиция инспекторы:

Еңбек ауылының тұрғындары ішімдіктен бас тартып салауатты өмір салтын ұстанады. Соңғы 5 жылдың ішінде қылмыстық іс және құқық бұзушылық орын алмаған.

Эльмира Кәленова