Қаржы саласында цифрландыруға басымдық берілді

Елімізде кейінгі 3 жылда қаржы саласын цифрландыруға басымдық берілді. Мақсат – бюджет қаржысының талан-таражға салынбай, тиімді жұмсалуын қадағалау. Мәселен, бұрын бюджеттен мемлекеттік мекемелерге берілетін несиелер қағаз жүзінде рәсімделетін. Бұл кей құжаттардың жоғалуына алып келді. Яғни, ұрланса, қылмыскерді анықтау қиынға соғатын. Сондықтан 2022 жылдан бері мониторинг «е-Қаржымин» ақпарат жүйесінде жүзеге асады. Бұл жүйе арқылы 3 жылда мың жарымнан астам мекеме республикалық бюджеттен несие алған. Биыл бұл бастама облыстарда да қолға алынбақ.

Айғаным Жүнісова, «Электрондық қаржы орталығы» АҚ департамент директоры:

Қазіргі таңда жоба дайын. Облыстарға қалай жетеді, қаржы бөлінгенде несие алушылар қандай процентпен алды, қалай төлейтініне мониторинг жүргізу үшін платформа қажет.

Жанел Өтеулі