Мемлекет басшысы Ұлттық домбыра күнімен құттықтады

Мемлекет басшысы қазақстандықтарды алдағы Ұлттық домбыра күнімен құттықтады. Әлеуметтік желідегі жазбасында Президент домбыра – ұлт болмысы, халық қазынасы екенін айтқан. Әсіресе өскелең ұрпақтың домбыраға деген ықыласы ерекше. Жастар төл мәдениетімізді терең түсініп, салт-дәстүрімізге құрметпен қарайды. Бұл – өте жақсы үрдіс деп бағалады Қасым-Жомарт Тоқаев.

Қасым-Жомарт, Тоқаев Қазақстан Республикасының Президенті:

Отанға сүйіспеншілік – мемлекеттілігіміздің темірқазығы. Қазақстан жастарының мұны жақсы түсініп, қолдайтынына ризамын. Мемлекет руханият саласын барынша дамыта береді. Дәстүрлі өнердің дүлдүлдері Қайрат Байбосынов «Қазақстанның Еңбек Ері», Айгүл Үлкенбаева, Айгүл Қосанова «Қазақстанның халық әртісі» атағына ие болды. Қасиетті қара домбыраның күмбірін бүкіл әлемге паш етіп жүрген азаматтарға алғыс айтамын.

Шерхан Жамбылұлы