Астанада Су шаруашылығы қызметкерлері күніне орай сала мамандарына марапаттар табысталды

Астанада Су шаруашылығы қызметкерлері күніне орай сала мамандарына марапаттар табысталды. Шараға Премьер-министрдің орынбасары Қанат Бозымбаев пен Су ресурстары және ирригация министрі Нұржан Нұржігітов қатысып, қызметкерлерді кәсіби мерекелерімен құттықтады. Биыл Қазақстан бойынша 442 су саласы маманы түрлі марапат алды. Олардың ішінде 55 адам мемлекеттік наградаға, 97 маман “Су шаруашылығының үздігі” төсбелгісіне, 24 қызметкер “Су шаруашылығының ардагері” төсбелгісіне ие болды. Сондай-ақ, 177 маман Құрмет грамотасымен, 89 маман Алғыс хатпен марапатталды.

Нұржан Нұржігітов, ҚР Су ресурстары және ирригация министрі:

Алға қойған мақсаттарымызға және белгіленген индикаторларға сіздердің арқаларыңызда жетіп отырмыз. Сіздерге жұмыста тек қана табыс тілеймін. Алдымызда әлі үлкен ауқымды жұмыстар тұр. Елімізге, шаруа қожалықтарына, өнеркәсіп мекемелеріне сапалы қызмет көрсетейік.

Елдос Есенбол