Қарағанды облысында еріктілер су қоймасының жағасын ретке келтірді

Қарағанды облысы Саран қаласында еріктілер мен «Жасыл ел» еңбек жасағы су қоймасының жағалауын қоқыстан тазартты. «Таза ел-таза болашақ» экологиялық акциясына 70-ке жуық адам үлес қосты. Жалпы Саран қаласында «Таза Қазақстан» республикалық акциясы басталғалы коммуналдық ұйымдармен қатар 5 мыңнан астам адам экологиялық шараларға қатысқан. Тазалық жұмыстарының нәтижесінде 35 000 тонна қалдық арнайы аумаққа шығарылды. Қаланы көгалдандыру жұмыстары да қарқынды алған. Биыл Саран көшелеріне түрлі ағаштардың 5 мың түп көшеті егілген. Бұған қоса тарихи-мәдени ескерктіштер маңы ретке келтірілді.

Мұхаммед Жексембаев, ерікті:

«Таза Қазақстан» бағдарламасы аясында өз қаламыздың тазалығына үлесімізді қосып жатырмыз. Біз үшін мұндай игі істер еңбекпен шыңдалу ғана емес, өмірлік тәрбие мектебі.

Жандос Бақытұлы