«Ұлттық шұғыл медицина орталығы»: 3 мыңға жуық науқасқа қызмет көрсетті

5 ай бұрын ғана ашылған Астанадағы «Ұлттық шұғыл медицина орталығы» 3 мыңға жуық науқасқа қызмет көрсетіп үлгерген. Заманауи техникалармен жабдықталған мекеме 30-ға жуық бағыт бойынша жұмыс істейді. Мұндағы ұшақтар мыңнан аса науқасқа көмек көрсету үшін көкке көтерілген. Тіпті, төтенше жағдай кезінде Түркия, Вьетнам, Германия, Оңтүстік Корея сынды мемлекеттердегі өз азаматтарымызды шұғыл тасымалдаған. Мәселен, жақында Египетте жүрек талмасы ұстаған отандасымыз жеткізілді. «Жедел көмектің арқасында жағдайы қалыпқа келді», - дейді дәрігерлер. Бұл орталық еліміздегі санитарлық авиация тоқтайтын өз алаңы, өз ангары бар жалғыз медициналық мекеме. Мамандар алдағы уақытта орталық жұмысы заманға бейімделіп жандана береді -дейді.

Ақниет Балтанова