Ақтауда құтқарушыларға арналған орталық ашылды

Ақтауда техникалық және кәсіптік білім беру колледжінде құтқарушыларға арналған арнайы орталық ашылды. Мұнда «Төтенше жағдайда қорғау» мамандығы бойынша оқып жатқан студенттер кәсіби дағдысын қалыптастырып, төтенше жағдайда дұрыс шешім қабылдап үйренеді. Құтқару жұмыстары алаңы Жұмысшы мамандықтар жылы аясында ашылған. Орталықта заманауи құрал-жабдықтың бәрі бар.

Жанатбек Аманжолов, колледж түлегі:

Маған бала кезімнен адам өмірін құтқарған ұнайды. Жалпы, бұл ең алдымен ер адамдардың мамандығы. Біз өзіміздің мамандығымыз бойынша 2024 жылы Көкшетауда өткен республикалық жарыстардан жүлделі орындар алдық. Дайын маман ретінде бізді қалыптастырған өзімнің колледж мұғалімдеріне алғысым шексіз. Алдағы уақытта осы мамандығым бойынша жұмыс істеймін деп ойлаймын.

Салауат Жұмабаев, Маңғыстау облыстық Төтенше жағдайлар департаментінің аға инженері:

Бұл осында оқитын студенттердің кәсіби дағдысын арттыру бойынша және ТЖД-ға жұмысқа келген кезде кәсіби маман болып шығуына үлкен септігін тигізеді. Сонымен қатар осында оқитын 6 студент қазіргі таңда Маңғыстау облысы бойынша өрттен құтқару спорт командасында өнер көрсетуде.

Аягөз Оралбайқызы