Талдықорғанда ҚХА-ның 30 жылдығына арналған мурал салынды

Талдықорғанда Қазақстан халқы Ассамблеясының 30 жылдығына арналған мурал салынды. Көпқабатты үйлердің бірінің қабырғасындағы суретте - түрлі этнос өкілдері, ұлттық ою өрнек және Ассамблеяның мерейтойына қатысты элементтер бар. Барлығына ортақ құндылықтар көрініс тапқан. Әсіресе кескіндемедегі «Жетісу - достық мекені» деген жазу алыстан көз тартады. Арт-нысан - қазақстандық жас суретшілер тобының туындысы. Жалпы, Жетісу облысында 70-тен астам ұлыс өкілі тату тұрып жатыр. Ұлттардың бір-біріне болмысы жақын, мәдениеті астарлас.

Даниэл Мурзов, суретші:

Бұл жай ғана қабырғадағы сурет емес. Ол татулықтың, бірліктің, халықтар достығының символы. Осындай арт-нысандар жастарға үлгі болса деймін. Өте жақсы бастама. Бірлігіміз жасасын.

Дамир Нұрмұхамет