Елімізде 760 мың оқушы STEM сыныптарында білім алып жатыр

Елімізде 760 мың оқушы соңғы үлгіге сай жабдықталған мектептерде білім алып жатыр. Тек кейінгі екі жылда 1 жарым мыңнан астам STEM кабинет ашылған. Соның 600-дейі – ауыл мектептерінде. Әсіресе робототехника, химия, биология, физика пәндеріне арналған сыныптар көп. Онда оқушылар жасанды интеллект арқылы жасалған құрылғылармен жұмыс істейді.

 Тоғжан Бақыт, информатика пәнінің мұғалімі:

STEM кабинеттерінде оқушылардың теориялық білімін ғана дамытып қоймай, сонымен бірге шығармашылық қабілетін арттырады, яғни олар бірлесе жұмыс істеп, өздерінің программалау 3D бағдарламалау, инженерлік қабілетін дамыту бағыттарында көптеген жұмыс атқара алады.

Жанел Өтеулі