Ұлытау облысында жылу желілерін жаңғырту басталды

Ұлытау облысы Сәтбаев қаласында жылу желілерін жаңғырту басталды. 50 жыл жөндеу көрмеген нысанның ұзындығы 8 шақырымнан асады. Қазір соның 500 метрінде жұмыс аяқталған. Жалпы, Сәтбаев қаласының жылу желілерін жаңартуға бюджеттен 10 млрд теңге бөлінген. Бұл қаржыға 4 магистральдің екеуі жаңғыртылады. Бұдан бөлек, қаладағы жылу энергетика кәсіпорнын қысқы маусымға дайындау үшін 1 жарым млрд теңге инвестиция тартылды.

Ахмет Сыздыманов, Сәтбаев қаласы әкімінің орынбасары:

375 метр ескі құбырды демонтаждап, 100 метр лоток құрылғысын орнатып, дәнекерлеу жұмыстарын бастап кеттік. Жөндеу жұмыстары күн сайын қарқын алып келеді. Жобаның әр кезеңі бақылауда.

Жанел Өтеулі